මත්තලට පැය 3යි. ගෝඨා රට හදන්න ගහපු සුපිරිම ප්ලැන

මෙරට ප්‍රථම අධි­වේගී මාර්ගය ලෙසින් ජනතා අයි­ති­යට පැව­රුණේ දක්ෂිණ අධි­වේගී මාර්ග­යයි. එම මාර්ගයේ පළමු අදි­යර ලෙසින් කොට්ටාව සිට ගාල්ල දක්වා වන මාර්ගය ජනතා අයි­ති­යට පැව­රුණු අතර පසුව ගාල්ල සිට මාතර දක්වා වන මාර්ග කොට­සද ජනතා අයි­ති­යට පවරා දෙන ලදී. මේ මාර්ගයේ දිගු­වක් ලෙසින් මාතර සිට හම්බ­න්තොට දක්වා වන මාර්ග­යද තැනීමේ කට­යුතු ඒ සම­ඟම ආරම්භ වූ අතර කිලෝ­මී­ටර් 96ක දිග­කින් යුත් එම මාර්ගය අදි­යර 4කින් කඩි­න­මින් තනා නිම කිරී­මට යෝජනා වූයේ ජනතා අව­ශ්‍යතා ඉටු කිරීම පිණි­සය. එහි 3හා 4 අදි­යර මාස කිහි­ප­ය­කට පෙර විවෘත කළද එයින් ජන­තා­වට එත­රම් සෙතක් නොවුණේ කොළඹ - කත­ර­ගම මාර්ගයේ සිට කිලෝ­මී­ටර් 16ක දුරක් ගෙවා අධි­වේගී මාර්ග­යට ගොස් එහි කෙටි දුරක් ගමන් කර නැවත ප්‍රධාන මාර්ග­යට එක් වීමට සිදු වූ නිසාය. එහෙත් අදින් (23) පසු කොළඹ සිට ඍජු­වම හම්බ­න්තොට දක්වා වන මාර්ග­යම ජනතා අයි­ති­යට පැව­රෙන්නේ දකුණු අධි­වේගී මාර්ගයේ අදි­යර 4ම විවෘත වන නිසාය. ඒ අනුව පැය 2 ½කදී පමණ කොළඹ සිට හම්බ­න්තොට දක්වා ගමන් කළ හැකි අතර කත­ර­ගම දක්වාම පැය 3 ½ කදී පමණ ගමන් කළ හැකි වනු ඇත.

1 අදි­යර යටතේ මාතර සිට බෙලි­අත්ත දක්වා වූ කිලෝ­මී­ටර් 30ක දුර සහිත කොටස සහ බෙලි­අත්තේ සිට වැටිය දක්වා වූ කිලෝ­මී­ටර් 26ක දුර කොටස අද විවෘත කෙරේ.

3 වන අදි­යර වන වැටියේ සිට අන්ද­ර­ග­ස්වැව දක්වා කිලෝ­මී­ටර් 15ක කොට­සත් සිවු­වැන්න වන මත්තල ගුවන් තොටු­පලේ සිට අතුරු අධි­වේගී මාර්ග­යක් ලෙස පැමිණ අන්ද­ර­වැ­වදී අධි­වේ­ගය හා සම්බන්ධ වී හම්බ­න්තොට දක්වා දිවෙන මාර්ග­යද මේ වන විටත් විවෘත කර තිබේ. එහි මුළු දිග කිලෝ­මී­ටර් 25කි. අන්ද­ර­වැව සිට මත්ත­ලට දුර කිලෝ­මී­ටර් 06ක් පමණ වන අතර අන්ද­ර­වැව සිට හම්බ­න්තො­ටට ඇති දුර කිලෝ­මී­ටර් 14කි. එහෙත් අන්ද­ර­වැව (වැටිය) අන්තර් මාර්ග හුව­මා­රුවේ අධික මාර්ග සංඛ්‍යාව නිසා මේ දුර කිලෝ­මී­ටර් 25ක් දක්වා වැඩි වී තිබේ. මාතර - හම්බ­න්තොට අධි­වේගී මාර්ගයේ ආර­ම්භක සැලැ­ස්මට වඩා තර­මක් වෙනස් සැලැ­සු­ම­කින් යුතුව වැට කට­යුතු නිම කෙරිණි. එසේ සැල­සුම වෙනස් කර ඇත්තේ එයින් වඩාත් ඵල ප්‍රයෝ­ජන ලැබෙන ලෙසිනි. මාර්ගය වෙනස් කිරී­මෙන් තවත් ප්‍රති­ඵල රැසක් බලා­පො­රොත්තු විය.

විශේ­ෂ­යෙන්ම නිල්වලා නදියේ ජල ගැලීම් මඟින් පහත් බිම් ආරක්ෂා කර ගැනීම එයින් මුල් තැනක් ගනී. එමෙන්ම මාතර ප්‍රදේ­ශයේ කිරළ කැළේ වනෝ­ද්‍යා­න­යට හානි නොවන සේ මාර්ගය ඉදි කිරී­මද තවත් ප්‍රධාන අර­මු­ණක් විය. එමෙන්ම රක්ෂිත වන­යක් වන ‘දන්දෙ­නිය‘ ට හානි අවම කිරී­මද තවත් අර­මු­ණකි. දකුණේ සංචා­රක සිත් ගත් අර­න්යාය හා මදු­නා­ගල උණු­ව­තුර ළිං වලට හානි සිදු නොවන සේ මාර්ගය ඉදි කිරී­මද තවත් අර­මු­ණක් විය. එයින් රිදි­ය­ගම වනා­න්ත­ර­ය­ටද හානි සිදු වීම වැළ­කුණි. කිලෝ මීටර් 30 ක් වූ 1 අදි­යරේ කිලෝ මීටර් 10 ක් පමණ වන ගමන් කරන්නේ කුලුනු මතිනි. නිල්වලා ගඟේ ජල­ගැල්ම අනුව එසේ මාර්ගය කුලුනු උඩ ඉහ­ළින් ගමන් කර­න්නට කට­යුතු යොදන ලදී. රක්ෂිත වන­යක් මැදින් ඉඳි වන අධි­වේගී මාර්ගය නිසා එම වනයේ ශාක 1400 ක් පමණ කපා ඉවත් කර ඇති අතර ඒ වෙනු­වට එක ගස­කට ගස් සියය බැඟින් සිටු­වී­ම­ටද පිය­වර ගන්නා ලදී. එය පරි­ස­රය රැකීම වෙනු­වෙන් ලබා දුන් විශාල දාය­ක­ත්ව­යක් ලෙස පෙන්වා දිය හැකිය.

අන්ද­ර­වැව ඉදිවූ අන්තර් හුව­මා­රු­වද විශේ­ෂිත වූවකි. එහිදී මත්තල සිට පැමි­ණෙන රථ­වා­හ­න­ව­ලට හා හම්බ­න්තොට සිට පැමි­ණෙන රථ වාහන වලට එක්ව මාතර දක්වා ගමන් කිරී­මට අව­කාශ සැලසේ. දෙප­සින්ම අධි­වේ­ග­යෙන් පැමි­ණෙන වාහන එක­වර හමුව ධාව­න­යට කට­යුතු යෙදෙනු ඇත. එවැනි අධි­වේගී හුව­මාරු ගැන අපට එත­රම් අත්දැ­කීම් නැත. එහෙත් දක්ෂිණ අධි­වේගී මාර්ග දිගුවේ ඒ අත්දැ­කී­ම­ටද මුහුණ පෑමට අපට සිදු වේ. මෙවන් අන්තර් හුව­මාරු මධ්‍ය­ස්ථාන දෙකක් පම­ණක් මේ වන විට අධි­වේගී මාර්ග පද්ධ­තියේ ස්ථාපිත වෙමින් පවතී. අනෙක් හුව­මා­රුව වන්නේ කඩ­ව­තයි. ඒ කොළඹ පිටත වට­ර­වුම් මාර්ගයේ හා මධ්‍යම අධි­වේ­ගය සම්බන්ධ කර­මින් ඉදි­වන අන්තර් හු­ව­මා­රු­වයි. කොළඹ කටු­නා­යක අධි­වේගී මාර්ගයේ කෙර­ව­ල­පි­ටි­යේද අන්තර් අධි­වේගී හුව­මා­රු­වක් ඇතත් එහි පිට­වී­මට මාව­තක් ඇති හෙයින් එහි අධි­වේගී මාර්ග අන්තර් හුව­මා­රු­වක් පම­ණක් ස්ථාපිත කර නැත. වලවේ ගඟ හරහා අධි­වේගී මාර්ගයේ ඉඳි­කළ මීටර් 600ක දිගින් යුත් පාලම නිසා අධි­වේගී මාර්ග­යට නව අලං­කා­ර­යක් ද හිමිව තිබේ. හම්බ­න්තොට වන අලි ගැට­ලුව ගැනද විශේෂ අව­ධා­න­යක් මේ ඉදි­කි­රී­මේදී යොමු කර ඇත. ඒ අනුව අලින්ට මෙන්ම අධි­වේගී මාර්ගයේ ගමන් කරන පිරි­ස­ටද බාධා­වක් නොවන පරිදි අලින්ගේ ගම­නා­ග­ම­නය වෙනු­වෙන් විශේෂ මාර්ග වේද­යක් ස්ථාපිත කර ඇත. මාර්ගය යටින් අලි­මං­කඩ ඉඳි කර තිබේ.

ඒ අනුව අලින්ට මාර්ග­යට ඇතුළු වීමට නොහැකි වන සේ අලි වැටක් නිර්මා­ණය කර ඇත. එය සාමාන්‍ය විදුලි වැටක් නොව අති­වි­ශාල විය­ද­මක් දරා සිදු කළ ආර­ක්ෂිත පද්ධ­ති­යකි. මත්තල ගුවන් තොටු­ප­ළට සහ හම්බ­න්තොට වරා­යට ද කඩි­න­මින් ළඟා වීමට හැකි පරිදි මෙම මාර්ගය ඉඳි­කෙරේ. මාතර -හම්බ­න්තොට අධි­වේගී මාර්ගයේ අන්තර් හුව­මාරු මධ්‍ය­ස්ථාන අප­රැක්ක, බෙලි අත්ත, කසා­ගල, අගු­ණ­කො­ල­පැ­ලැස්ස, වැටිය (බරවාකුඹුක). සූරි­ය­වැව, අන්ද­ර­වැව, මත්තල, හා හම්බ­න්තොට ස්ථාන­වල පම­ණක් ඉඳි­වනු ඇත. අප­රැක්ක අන්ත­ර්හු­ව­මා­රු­වද විශේ­ෂිත හුව­මා­රු­වකි. ඒ අනුව එය මෙරට කුලුනු මත ඉඳි­වන පළමු අන්තර් හුම­වා­රුව වනු ඇත. මෙරට ඉදි­වන දිර්ඝ­තම පාල­මද ඉදි වන්නේ මේ ව්‍යාපෘ­තිය හර­හාය. ඒ මාතර සිට අප­රැක්ක දක්වා වන ගුමන් මාර්ග­යයි. එය කිලෝ­මී­ටර් 10.8ක් දක්වා වන දීර්ඝ දුරකි. ඊට අම­ත­රව අන්තර් ජාතික මට්ටමේ සේවා ස්ථාන­යක් බෙලි­අත්ත ප්‍රදේ­ශයේ ඉදි­කෙ­රෙ­මින් පවතී. එමෙන්ම රිය­දු­රන් සඳහා විවේක ස්ථාන­යන් දෙකක්ද 2 හා 3 අදි­යර යටතේ ඉදි කෙරේ.

මාර්ගය විවෘත කළධ තවත් සුළු වැඩ කොටස් අව­සන් කිරී­මට ඇත. ඒ සිය­ල්ලම සඳහා වැය කෙරෙන මුදල රුපි­යල් බිලි­යන 241.9කි. එයින් 1 අදි­යර සඳහා රුපි­යල් බිලි­යන 103.3ක්ද 2 අදි­යර සඳහා රුපි­යල් බිලි­යන 55.2ක්ද 3 අදි­යර සඳහා රුපි­යල් බිලි­යන 31.5ක්ද 4 අදි­යර සඳහා රුපි­යල් බිලි­යන 52.2ක්ද ලබා දී ඇත. ණය ආධාර සැප­යූවේ චීන එක්සීම් බැංකු­වයි. ඒ සිය­යට 2ක් වූ අඩු පොලි­ය­ක­ටයි. කත­ර­ගම දක්වා යන වන්ද­නා­ක­රු­වන්ගේ පහ­සුව පිණිස මංතීරු 4කින් සම­න්විත නව මාර්ග­යක් මේ වන විට මත්තල සිට ලුණු­ග­ම්වෙ­හෙර හරහා ඉදි කර ඇත. එම­ඟින් අධි­වේගී මාර්ග නිමාවේ සිට කත­ර­ගම දක්වා යාමට ගත වන්නේ පැය­ක­ටත් අඩු කාල­යකි. හම්බ­න්තොට කර්මා­න්ත­පු­රය කොළඹ නග­රය සමඟ යා කිරීම නව අධි­වේඟී මාර්ග­යත් සම­ඟම සිදු කෙරේ. ධාවන මං තීරු හත­රක් වශ­යෙන් (එක් දිශා­ව­කට මංතීරු දෙක බැගින්) මූලි­කව ඉදි­කෙ­රෙන අධි­වේගී මාර්ග­යට ඉදි­රි­යේදී තවත් මං තීරු දෙකක් එකතු කොට මං තීරු හයක අධි­වේගී මාර්ග­යක් ලෙස දිගු­කි­රී­මට අපේක්ෂා කෙරේ.

වැටිය (බරවාකුඹුක) සිට අන්ද­ර­වැව දක්වා කොටසේ සූරි­ය­වැව නග­ර­යට අන්ත­ර්හු­ව­මා­රු­වක් පව­තින හෙයින් බොහෝ දෙනාගේ කතා­බ­හට ලක් වූ සූරි­ය­වැය අන්ත­ර්ජා­තික ක්‍රිකට් ක්‍රීඩාං­ග­ණ­ය­ටද ප්‍රවේශ මාර්ග­යක් හිමිවේ. ඇත. එමෙන්ම අන්ද­ර­වැව අන්තර් හුව­මා­රුව ඔස්සේ හම්බ­න්තොට මාග­ම්පුර වරාය දක්වා දිවෙන ප්‍රවේශ මාර්ග­යක්ද ඉදි­කෙරේ. දැන් කටු­නා­යක සිට හම්බ­න්තොට දක්වා මාර්ගය ඉඳි කර ඇති නිසා අන්ත­ර්ජා­තික ගුවන් තොටු­පොළ දෙකම යා වනු ඇත. එමෙන්ම දකුණේ කුරුඳු වගාව අග නග­ර­යට කඩි­න­මින් රැගෙන යාමට හැකි වනු ඇත. එමෙන්ම සංචා­රක ව්‍යාපා­ර­ය­ටද එය කදි­මස තෝතැ­න්නක් වනු ඇත. දක්ෂිණ අධි­වේගී මාර්ග දිගුව කඩි­න­මින් ජනතා අයි­ති­යට පැව­රීම පිණිස අමා­ත්‍යාංශ ලේකම් රංජිත් ප්‍රේම­සිරි මාර්ග සංව­ර්ධන අධි­කා­රියේ සභා­පති ඉංජි­නේරු චමින්ද අතු­ළු­වගේ හා අධ්‍යක්ෂ ජන­රාල් ඉංජි­නේරු කමල් අම­ර­වීර යන මහ­ත්ව­රුන් පසු­ගිය දින­වල මහත් වෙහෙ­සක් ගෙන කට­යුතු කළහ. ඒ උත්සා­හයේ ප්‍රති­ඵ­ල­යක් වශ­යෙන් අද (23) මේ මාර්ග දිගුව විවෘත කර ගැන්මට හැකි විය.