ශ්‍රී ලංකාද්වීපයත් සම්බුද්ධ ශාසනයත් ආරක්‍ෂාකරමින් මෙරට ජනතාවට සෙත සහනය සෞභාග්‍යය උදා කර දෙනු ලබන ලංකාරක්‍ෂක දේවාත්මයක්‌ ලෙසින් ලාංකීය බෞද්ධ ජනතාවගේ අප්‍රමාණ ගෞරවයටත්, භක්‌ත්‍යාදරයටත් පාත්‍ර වී ඇති එකම වෛදික දේවාත්මය ශ්‍රී විෂ්ණු දෙවියන්ය. බුදුරජාණන් වහන්සේගේ සමීපස්‌ථ දේවාත්මයක්‌ වන උන්වහන්සේ අප මහා තථාගතයාණන් වහන්සේගෙන් දහම් ඇසීමට යොමු වී සිටි බෞද්ධ දෙවි කෙනෙකු බවත් ලංකා රක්‍ෂාව සඳහා විජය රජුගේ ආගමනයත් සමග ශ්‍රී ලංකාද්වීපයට පැමිණි බවත් මහා වංශ කතා පුවතින් හෙළිදරව් වේ. ශ්‍රී ලංකා ද්වීපයත් සම්බුද්ධ ශාසනයක්‌ සුරැකීමේ අති උදාර මෙහෙවරෙහි නියුතුව සිටින අප ශ්‍රී ලංකාද්වීපයේ මුර දේවතා ලෙස සැලකෙන ශ්‍රී විෂ්ණු දෙවියන්ට ඇත්තේ නිල්වන් සිරුරකි. සංඛයක්‌ චක්‍රයක්‌, ගධාවක්‌ ආයුධ ලෙස අත දරා ගුරුළු වාහනාරූඪව වැඩහිඳියි. මෙවන් වූ මහා බලයක්‌ ඇති ශ්‍රී විෂ්ණු දෙවිඳුන් නැමැද ඔබටද උන්වහන්සේගේ පිහිට හා දේවාශිර්වාදය ලබා ගත හැකි අතර ඒ සඳහා ඔබ නිවසේදීම මල් පහන් සුවඳදුම් පූජාකර තිසරණ සහිත පංචශීලයෙහි පිහිටා බුදුන් වැඳ පිරිත් සඤ්ධායනා කර විෂ්ණු දෙවියන් උදෙසා නිල්මල් (නිල්කටරොළු - නිල්මානෙල්) ගිතෙල් හෝ රන්තැඹිලි තෙල් පහන්ද සුවඳදුම් හා පත්‍ර පූජාවක්‌ ලෙස මදුරුතලා කොළ පූජා කර ඔබගේ කරදර බාධක ඉවත් කර සහනය ලබා දෙන ලෙස ඉල්ලා මෙම ස්‌තෝත්‍රය ගායනා කරන්න.
ලොවට සිරිසෙත සලසන ශ්‍රී විෂ්ණු දේවියන්ට කරන කන්නලව්ව
Reviewed by lankaonline
on
December 28, 2018
Rating:
Reviewed by lankaonline
on
December 28, 2018
Rating:
No comments: